नेपालगंज।
साविक परीक्षा केन्द्र खारेज गरी नयाँ परीक्षा केन्द्र कायम गरिनुपर्ने माग सहित कलेज अफ इन्जिनियरिङ्ग एण्ड म्यानेजमेन्ट नेपालगंजका विद्यार्थीहरु आन्दोलनमा उत्रिएका छन ।
विद्यार्थीहरुको माग सुनुवाई नभएको भन्दै अनिश्चितकालिन रुपमा कलेज प्रशासनमा तालावन्दी समेत गरिएको छ ।
अनेरास्ववियु, नेपाल विद्यार्थी संघ, अनेरास्ववियु (क्रान्तिकारी) विद्यार्थी संगठनहरुको अगुवाईमा शुरु गरिएको संयुक्त आन्दोलन अन्र्तगत आज दिँउसो कलेजको गेटमा टायर बालेर विद्यार्थीहरुले पोखरा विश्वविद्यालय विरुद्ध चर्को नाराबाजी समेत गरे ।
मिति २०७९/०४/२१ गते सज्चालन हुनुपर्ने सातौँ सेमेस्टरको बिई सिभिल इन्जिनियरिड्ग अन्तर्गतको Design of RCC Structures विषयको परीक्षा, परिक्षा केन्द्र तोकिएको अल्पाइन म्यानेजमेन्ट कलेजले अत्याधिक लापर्बाही गर्दै २०७९/०४/२१ मा सज्चालन हुनुपर्ने परीक्षा २०७९/०४/२० गते नै सज्चालन गरेको थियो।
परीक्षा तालिका अनुसार २०७९/०४/२१ मा परीक्षा दिन जाँदा विद्यार्थीहरुलाई गैर जिम्मेवारी पूर्ण तरिकाबाट फिर्ता पठाइएकों र पछि पुरै विश्वविद्यालयबाट सम्बन्धन प्राप्त कलेजमा भएको परिक्षा पनि रद्द गर्नु परेको थियो ।
अहिले विश्वविद्यालयलाई नै असर पर्ने खालको कुरालाई भुल्दै पोखरा विश्वविद्यालय अन्र्तगत रहेको कलेज अफ इन्जिनियरिङ्ग एण्ड म्यानेजमेन्ट नेपालगंजको परीक्षा केन्द्र अलपाइन म्यानेजमेन्ट कलेजमा कायम गरिएको छ ।
तर अलपाइनले आफना विद्यार्थीहरुलाई सहज वातावरण बनाईदिए पनि कलेज अफ इन्जिनियरिङ्ग एण्ड म्यानेजमेन्टका विद्यार्थीहरुलाई भने विगत देखी नै अत्याधिक लापरवाही र विभेद गर्ने गरेको आरोप लगाउदै तोकिएको परीक्षा केन्द्र प्रति विद्यार्थीहरुले असहमति जनाउदै आएका छन ।
हेर्नुहोस ध्यानाकर्षण पत्र समेत…
