साउदी अरेबिया ।
साउदी प्रो लिग अन्तर्गत अल नासर अल फातेहसँग बराबरीमा रोकिएको छ ।
शुक्रबार राति सम्पन्न खेलमा क्रिस्टियानो रोनाल्डोले खेलको ९३औं मिनेटमा अल फातेहविरुद्ध पेनाल्टी मार्फत गोल गर्दै अल नासरलाई हारबाट जोगाएका छन् ।
रोनाल्डोको साउदी लिगमा अल नासरका लागि डेभ्यु गोल गरेका हुन् । २-१ ले पछि परेको अल नासरले रोनाल्डोको गोलमा बराबरीमा चित्त बुझाएको थियो ।
यस खेलको १२औ मिनेटमा क्रिस्तियन टेल्लोले गोल गर्दै फातेहलाई शुरुवाती अग्रता दिलाएका थिए । त्यसपछि टालिस्काले गोल गर्दै अल नासरलाई खेलमा फर्काएका थिए । त्यसपछि खेलको ५८औं मिनेटमा सोफियाने बेनडेब्काले गोल गर्दै फातेहलाई २-१ को अग्रता दिलाएका थिए ।
यस खेलमा खेलको ९५औं मिनेटमा टालिस्काले रातो कार्ड पाएपछि अल नासर १० खेलाडीमा सिमित भएको थियो । यो बराबरीपछि अल नासर लिगमा शिर्ष स्थानमा उक्लिएको छ ।
अल नासरको १५ खेलमा ३४ अंक रहेको छ । त्यस्तै अल फातेहको १५ खेलमा २२ अंक रहेको छ र लिगमा छैटौं स्थानमा रहेको छ ।
क्रिस्टियानो रोनाल्डोले आफ्नो नयाँ क्लब अल नसरका लागि शुक्रबार पहिलो गोल गरेका छन् । अल फतेहविरुद्ध खेलको अन्तिम मिनेटमा पेनाल्टीबाट गोल गर्दै रोनाल्डोले
पोर्चुगिज स्टार खेलाडीले गोल गरेपछि सामाजिक सञ्जालमार्फत खुसीयाली व्यक्त गरेका छन् । उनले इन्स्टाग्राममा लेखेका छन्, ‘साउदी लिगमा पहिलो गोल गरेकोमा र निकै कठिन खेलमा बराबरी हासिल गर्न पुरा टिमले गरेको मिहिनेतका लागि म खुसी छु ।’
अल नासरका लागि तेस्रो खेलमा रोनाल्डोले पहिलो गोल गरेका हुन् । साउदी अरेबियामा भने उनको यो पहिलो गोल थिएन । उनले गत जनवरीमा पीएसजीविरुद्धको मैत्रिपूर्ण खेलमा रियाद अलस्टारबाट खेल्दै दुई गोल गरेका थिए ।
