काठमाडौं।
हार्दिक पाण्ड्याको कप्तानीमा भारतले लगातार चौथो टी–२० सिरिज जितेको छ । भारतले तीन टी–२० सिरिजको तेस्रो खेलमा न्युजिल्यान्डलाई १६८ रनले पराजित गरेको हो । भारतीय कप्तान हार्दिक पाण्डेयले टस जितेर पहिले ब्याटिङ गर्ने निर्णय गरेका थिए ।
टिम इन्डियाले २० ओभरमा चार विकेट गुमाएर २३४ रन बनाएको थियो । शुभमन गिलले ६३ बलमा अविजित १२६ रन बनाए । जवाफमा न्युजिल्यान्डको टोली १२.१ ओभरमा ६६ रनमा सिमित भयो।
यो टी-२० इतिहासमा भारतको सबैभन्दा ठूलो जित हो। यसअघि २०१८ मा भारतले आयरल्याण्डलाई १४८ रनले हराएको थियो। अर्कोतर्फ, यो टी-२० इतिहासमा न्यूजिल्याण्डको सबैभन्दा ठूलो हार हो।
यसअघि सन् २०१० मा पाकिस्तानसँग न्यूजिल्याण्ड १०३ रनले पराजित भएकाे थियो ।भारतका लागि शुभमन गिलले सर्वाधिक रन बनाए । उनले ६३ बलमा अविजित १२६ रन बनाए ।
न्यूजिल्याण्डका लागि दुई ब्याट्सम्यानले मात्र दोहोरो अंक छुन सके । ड्यारेल मिचेलले ३५ र कप्तान मिचेल सान्टनरले १३ रन बनाए । भारतका लागि कप्तान हार्दिक पाण्ड्याले सर्वाधिक ४ विकेट लिए ।
अर्शदीप सिंह, उमरान मलिक र शिवम मावीले २–२ विकेट लिए ।इशान किशन र शुभमन गिलबाट राम्रो सुरुवातको अपेक्षा गरिएको थियो तर किशन फेरि असफल भए । उनी तीन बलमा एक रन बनाएर पभेलियन फर्किए ।
एक विकेटको पतनपछि राहुल त्रिपाठी र शुभमन गिलले इनिङ्सलाई सम्हालेका थिए । दुबैले दोस्रो विकेटका लागि ४२ बलमा ८० रनको साझेदारी गरे । त्रिपाठीले छिटो रन बनाए । उनले २२ बलमा ४४ रन बनाए ।
उनी टी-२० मा आफ्नो पहिलो अर्धशतकको नजिक थिए तर ईश सोधीको छक्का प्रहार गर्ने प्रयासमा क्याच आउट भए। त्रिपाठीले आफ्नो पारीमा चार चौका र तीन छक्का प्रहार गरे ।त्रिपाठी आउट भएपछि गिलले सूर्यकुमार यादवसँग तेस्रो विकेटका लागि ३८ रनको साझेदारी गरे।
सूर्यकुमार १३ बलमा २४ रन बनाएर आउट भए । उनको पछि क्रिजमा आएका कप्तान हार्दिक पाण्ड्याले गिललाई राम्रो साथ दिए । पाण्ड्याले १७ बलमा ३० रन बनाए । उनले गिलसँग ४० बलमा १०३ रनको साझेदारी गरे। न्यूजिल्याण्डका लागि माइकल ब्रेसवेल, ब्लेयर टिकनर, इश सोधी र ड्यारेल मिचेलले एक एक विकेट लिए ।
