काठमाडौँ ।
आइपिएल २०२३ को लागि मिनी अक्सन गत महिना मात्रै भएको थियो। यस मिनी लिलामीमा २३ वर्षीय इंग्लिस ब्याट्सम्यानलाई सनराइजर्स हैदरावादले १३.२५ करोड भारु अर्थात २१.२ करोड नेपालिमा किनेको थियो ।
यी खेलाडीले अब पाकिस्तान सुपर लिग २०२३ मा नखेल्ने निर्णय गरेका छन् । यी खेलाडी पीएसएलमा लाहोर कलन्दरको तर्फबाट खेल्छन् र गत सिजनमा टोलीलाई च्याम्पियन बनाउन यी खेलाडीले महत्वपूर्ण योगदान गरेका थिए ।
यी खेलाडीले पीएसएल लिगबाट नाम फिर्ता लिए:
सनराइजर्स हैदरावादले मिनी अक्सनमा ड्यासिङ ब्याट्सम्यान ह्यारी ब्रुकलाई आफ्नो टिममा समावेश गरेको थियो । ह्यारी ब्रुकले अहिले पाकिस्तान सुपर लिगबाट आफ्नो नाम फिर्ता लिएका छन् ।
यो लिग फेब्रुअरी १३ बाट सुरु हुँदैछ । ह्यारी ब्रुकले गत वर्ष यो लिगमा २६४ रन बनाएका थिए जसमा एक शतक पनि समावेश थियो ।
एसए२० लिगमा पनि सहभागी भएनन्:
ह्यारी ब्रुकले यसअघि दक्षिण अफ्रिका टी–२० लिगबाट पनि आफ्नो नाम फिर्ता लिएका थिए । ह्यारी ब्रुकको कामको बोझ कम गर्न इंग्ल्याण्ड एण्ड वेल्स क्रिकेट बोर्डले यो निर्णय गरेको हो ।
गत वर्ष केप टाउनमा भएको लिग लिलामीमा ह्यारी ब्रुकलाई फ्रेन्चाइजले २१ लाख रेण्डमा किनेको थियो । यद्यपि, ह्यारी ब्रुकको यो निर्णयले आईपीएल २०२३ को उपलब्धतामा कुनै प्रभाव पार्ने सम्भावना छैन।
अहिलेसम्म करियर:
दायाँ हाते ब्याट्सम्यान ह्यारी ब्रुकले हालसम्म चार टेस्ट र २० टी–२० अन्तर्राष्ट्रिय खेलेका छन् । उनले टेष्टमा ३ शतक र १ अर्धशतकको सहयोगमा ४८० रन बनाएका छन् ।
अहिले टेष्ट ढाँचामा नै उनको औसत ८० रहेको छ । योसँगै ब्रुकले टी–२० अन्तर्राष्ट्रिय क्रिकेटमा अर्धशतकको मद्दतले कुल ३७२ रन बनाएका छन् ।
उनले आफ्नो समग्र टी-२० करियरमा ९९ खेलमा २४३२ रन बनाएका छन् । उनले प्रथम श्रेणी क्रिकेटमा ३५४७ रन बनाउनुका साथै ८ विकेट पनि लिएका छन् ।
