काठमाण्डौ।
नेपाली महिला क्रिकेट टोलीकी कप्तान रुविना क्षेत्री बेलबासेले हङकङमा हुने दोस्रो संस्करणको फेयर ब्रेक इन्भिटेसनल टि२० प्रतियोगिता खेल्ने भएकी छिन् । रुविनालाई द बर्मी आर्मीले रिटेन गरेको छ । गतवर्ष रुविनाले द बर्मी आर्मीबाट नै खेलेकी थिइन् ।
आज द बर्मी आर्मीले २०२३ को टोली घोषणा गर्दा रुविनालाई पनि टोलीमा समावेश गरिएको ।यस अघि को सीजन मा नेपालका सीता रानामगर र रुबिना क्षेत्री सहभागी भएका थिए।
पहिलो सिजनमा रुबिनले २ खेलमा मौका पाएकी थिइन्।उक्त खेलमा रुबिनाले ब्याटिङमा माउमा नपाउँदा बलिङमा एक इनिङमा २ ओभर बलिङ गर्दै २० रन खर्चेकी थिईन् ।सीताले ७ खेलमा ४ विकेट लिँदा २२ रन बनाएकी थिइन् ।प्रतियोगिता आगमी अप्रिल ३ देखि १६ अप्रिल सम्म हुनेछ ।
यता आज रुबिना को टिमले सीताको टिमलाई पराजित गदै फाइनल प्रवेश गरेको छ।प्रदेश नम्बर-१ ले इटहरीमा जारी प्रधानमन्त्री कप महिला राष्ट्रिय टी-ट्वान्टी क्रिकेट प्रतियोगिताको फाइनलमा प्रवेश गरेको छ ।
जनता क्रिकेट पार्क क्रिकेट मैदानमा शुक्रबार भएको दोस्रो सेमिफाइनलमा एपीएफ क्लबलाई ८ विकेटले हराउँदै प्रदेश-१ उपाधि नजिक पुगेको हो ।अब प्रदेश-१ ले उपाधिका लागि सुदुरपश्चिम प्रदेशसँग प्रतिस्पर्धा गर्नेछ । फाइनल खेल शनिबार हुनेछ ।
एपीएफले दिएको ४६ रनको लक्ष्य प्रदेश-१ ले ९ ओभरमा २ विकेट गुमाएर पूरा गर्यो ।प्रदेश-१ का लागि कप्तान रुबिना क्षेत्रीले अविजित २० रन जोडिन । अप्सरी बेगम ९ रनमा अविजित रहिन् । काजल श्रेष्ठ ९ र लकिता राजवंशी १ रनमा आउट भईन् ।
एपी फका नेरी थापाले १ विकेट लिईन् ।त्यसअघि पहिले ब्याटिङ गरेको एपीएफले १३ ओभर ४ बलमा अलआउट हुँदै ४५ रन जोडेको थियो ।एपीएफका लागि कप्तान सिता राना मगरले सर्वाधिक १० रन जोडिन् ।
त्यस्तै इन्दु वर्माले ७ तथा ज्योति पाण्डेले ५ रन बनाईन ।एपीएफलाई सस्तैमा समेट्न प्रदेश-१ की संगीता राई र एलिशा खडियाले ३/३ विकेट लिईन् । सबनम राईले २ विकेट हात पारिन् ।
प्रतियोगिताको विजेताले ५ लाख र उपविजेता टोलीले ३ लाख रुपैयाँ प्राप्त गर्नेछन् । प्रतियोगिता सर्वोत्कृष्ट खेलाडीले ३० हजार तथा उत्कृष्ट ब्याटर र बलरले जनही २० हजार पाउनेछन् ।
