काठमाण्डाै ।
भारतसँगको पहिलो एकदिवसीय क्रिकेटमा न्युजिल्याण्ड पराजित भएको छ ।माइकल ब्रेसवेलको शतकका बाबजुद न्युजिल्यान्ड घरेलु टोली भारतसँग १२ रनले पराजित भएको हो । योसँगै तीन खेलको एकदिवसीय श्रृंखलामा भारतले १–० को अग्रता बनाएको छ ।
जितका लागि ३ सय ५० रनको लक्ष्य पछ्याएको न्युजिल्यान्ड ४९ ओभर २ बलमा ३ सय ३७ रनमा अलआउट भयो ।खराब ब्याटिङ प्रदर्शन गरेपनि सातौं विकेटका लागि मिचेल सान्टनार र माइकल ब्रेसवेलले १ सय ६२ रनको सानदार शतकीय साझेदारी गरेका थिए।
न्युजिल्यान्डको लागि माइकल ब्रेसवेलले आक्रामक शतक प्रहार गरेका थिए।उनले ७८ बलमा १२ चौका र १० छक्कासहित १४० रनको योगदान दिएका छन् ।सान्टनारले ४५ बलमा ७ चौका र १ छक्कासहित ५७ रनको योगदान दिएका छन्।
शिराजले ओपनर डेभन कन्वेलाई १० रनमै क्याच आउट गरेका थिए । अर्का ओपनर फिन एलेन ३९ बलमा ७ चौका र १ छक्कासहित ४० रनमा आउट भए । हेनरी निकोलस १८, ग्लेन फिलिप्स ११, डर्याल मिचेल ९ र टम लाथम २४ रनमा आउट भए ।भारतका मोहम्मद शिराजले ४ तथा कुलदीप यादव र शार्दुल ठाकुरले समान २ विकेट लिए ।
त्यसअघि हैदराबादमा टस जितेर पहिला ब्याटिङ गरेको भारतले निर्धारित ५० ओभरमा ८ विकेट गुमाउँदै ३ सय ४९ रन बनाएको थियो ।
भारतका शुभमन गिलले दोहोरो शतकीय पारी खेले । गिल एकदिवसीय क्रिकेटमा दोहोरो शतक हान्ने विश्वका आठौं ब्याट्सम्यान तथा भारतका पाँचौं खेलाडी बनेका छन् ।
कप्तान रोहित शर्मा ३८ बलमा ४ चौका र २ छक्कासहित ३४ रनमा आउट भए । विराट कोहली ८, ईशान किशन पाँच, सूर्यकुमार यादव ३१, हार्दिक पान्ड्या २८, वासिन्टन सुन्दर १२ र शार्दुल ठाकुर ३ रनमा आउट भए ।
न्युजिल्यान्डका हेनरी शिफ्ले र डर्याल मिचेलले दुई/दुई विकेट लिए । दोस्रो खेल शनिवार र तेस्रो खेल मङ्गलवार हुनेछ ।
