काठमाडौं :
भारतीय क्रिकेटर श्रेयस अय्यर न्युजिल्याण्ड विरुद्धको तीन एकदिवसीय सिरिज खेल्न नपाउने भएका छन्।
भारतीय क्रिकेट कन्ट्रोल बोर्ड (बीसीसीआई) सचिव जय शाहले अय्यर ढाडमा चोट लागेका कारण न्युजिल्याण्डविरुद्धको एकदिवसीय सिरिज खेल्न नसक्ने जानकारी दिए।
छनोट समितिले उनको स्थानमा रजत पाटीदारलाई मौका दिएको छ। जय शाहले अय्यर चोटको मूल्याङ्कन र उपचारका लागि राष्ट्रिय क्रिकेट एकेडेमी (एनसीए) जाने बताए।
भारत र न्यूजिल्याण्डबीचको तीन खेलको एकदिवसीय शृंखला बुधबार (१८ जनवरी)देखि सुरू हुँदैछ। पहिलो खेल हैदरावादमा हुनेछ।
भारत एकदिवसीय टोलीः रोहित शर्मा (कप्तान), शुभमन गिल, इशान किशन, विराट कोहली, सूर्य कुमार यादव, केएस भरत, हार्दिक पाण्ड्या, रजत पाटीदार, वाशिंगटन सुन्दर, शाहबाज अहमद, शार्दुल ठाकुर, युजवेन्द्र चहल, कुलदीप यादव, मोहम्मद शामी, मोहम्मद सिराज र उमरान मलिक।
यो पनि : कार दुर्घटनापछि ऋषभ पन्तले आफू मैदान फर्किने बारे दिए यस्तो जवाफ
भारतीय टोलीका स्टार क्रिकेटर ऋषभ पन्तले सडक दुर्घटनापछि पहिलो पटक ट्वीट गरेका छन् । आफ्नो खुट्टाको शल्यक्रिया सफल भएको र अब पुनरागमनको यात्रा सुरु भएको पन्तले बताए । यससँगै उनले दुर्घटनामा सहयोग गरेकोमा बीसीसीआई, बीसीसीआई सचिव जय शाह र सरकारलाई धन्यवाद दिएका छन् ।
ऋषभ पन्त ३० डिसेम्बरमा घर फर्कने क्रममा रुर्की नजिक सडक दुर्घटनामा परेका थिए । उनको तीव्र गतिमा रहेको कार डिभाइडरमा ठोक्किएर लामो दूरीसम्म तानेर बसेको थियो । यसपछि कारमा आगो लागेको थियो । तर, पन्त समयमै कारबाट बाहिर निस्किए र उनको ज्यान जोगियो ।
अहिले पन्तले ट्वीट गर्दै आफ्नो अवस्थाबारे जानकारी दिएका छन् र सहयोग गर्ने सबैलाई धन्यवाद दिएका छन् ।एक छुट्टै ट्वीटमा पन्तले रजत कुमार र निशु कुमार दुबैलाई धन्यवाद दिए जसले पन्तको ज्यान बचाए र दुर्घटना पछि उनलाई अस्पताल पुर्याए।
पन्तले लेखेका छन्, “म व्यक्तिगत रूपमा सबैलाई धन्यवाद दिन सक्दिन, तर मैले यी दुई नायकहरूलाई धन्यवाद दिनै पर्छ जसले मलाई दुर्घटनाको समयमा मद्दत गरे र म सकुशल अस्पताल पुग्यो। रजत कुमार र निशु कुमार, धन्यवाद। म सधैं आभारी र ऋणी रहनेछु। ”
ऋषभ पन्तले लेखेका छन् “सबै सहयोग र शुभकामनाका लागि म विनम्र र कृतज्ञ छु। मेरो शल्यक्रिया सफल भएको जानकारी गराउन पाउँदा म खुसी छु। निको हुने यात्रा सुरु भएको छ र म आगामी चुनौतीहरूको लागि तयार छु। बिसिसिआईलाई अतुलनीय धन्यवाद, जय। शाह र सरकारी अधिकारीहरूलाई सहयोगको लागि।”
त्यसपछि ऋषभ पन्तले लेखे, “म मेरा सबै फ्यानहरू, टोलीका साथीहरू, डाक्टरहरू र फिजियोहरूलाई मेरो हृदयको तलबाट धन्यवाद दिन चाहन्छु। तपाईंको दयालु शब्द र प्रोत्साहनको लागि धन्यवाद। तपाईं सबैलाई मैदानमा भेट्न उत्सुक छु।”
ऋषभ पन्त चोटका कारण भारतको एकदिवसीय र टी-२० टोलीबाट बाहिर भए पनि टेस्ट टोलीमा उनको स्थान पक्का भएको थियो। यस्तो अवस्थामा अस्ट्रेलियाविरुद्धको टेष्ट सिरिजमा पन्तलाई खेल्ने निर्णय भएपनि चोटका कारण उनी यो सिरिजमा खेल्न पाउने छैनन् ।
यदि ऋषभ पन्त एक महिनामै खेल खेल्न फिट भएमा अष्ट्रेलियाविरुद्धको अन्तिम दुई टेस्ट खेल्न सक्नेछन् । तर, यसको सम्भावना निकै कम छ । यस वर्ष पनि भारतले एकदिवसीय विश्वकप खेल्नुपर्ने भएकाले बीसीसीआईले पन्तलाई पूर्ण फिट भएपछि मात्रै मैदानमा फर्कन चाहेको छ ।
यस्तो अवस्थामा पन्त आईपीएलमा फर्किन सक्छन् । तर, आईपीएलसम्म पन्त फिट हुने सम्भावना कम नभएको धेरै मिडिया रिपोर्टले बताएका छन् ।
