कहिले गर्दैछन् रोनाल्डोले साउदीको क्लबमा डेब्यू?

काठमाडौँ ।

क्रिष्टियानो रोनाल्डोले युरोप छोडेसँगै मध्यपूर्वमा उनको चर्चा उत्कर्षमा छ। साउदी क्लब अल नसरमा कीर्तिमानी मूल्यमा अनुबन्धन भएका रोनाल्डोले कहिले डेब्यू गर्लान् भन्ने समर्थकको प्रतिक्षा भने तत्काल पूरा हुने सम्भावना देखिएको छैन।

पाँच पटकका बालोन डि’ओर विजेता रोनाल्डोलाई अल नसरले हजारौँ दर्शकका माझ ३ जनवरीमा सार्वजनिक गरेको थियो।

क्लबले उनलाई १ सय ७३ मिलियन पाउन्ड (कुल २०९ मिलियन पाउन्ड) प्रति वर्ष पाउने गरी सम्झौता गरेसँगै रोनाल्डोको मध्यपूर्वमा हुने प्रदर्शनको प्रतिक्षा बढेको छ। रोनाल्डो म्यानचेस्टर युनाइटेडमा नै हुँदा दुई खेलको प्रतिबन्धमा परेका थिए।

जुन प्रतिबन्ध उनले मध्यपूर्वमा आए पनि पूरा गर्नुपर्ने छ। उनलाई नोभेम्बरमा एभर्टन समर्थकलाई मोबाइलले प्रहार गरेको घटनामा दोषी देखाइएको थियो।

जसका कारण उनले दुई खेल प्रतिबन्धका कारण आगामी १४ जनवरीमा पनि अल सबाबविरुद्धको खेलमा पनि डेब्यू गर्न पाउने छैनन्। उनी सम्भवतः पहिलो पटक जनवरी २२ मा हुने साउदी प्रो लिगको खेलमा अल इतिफाकविरुद्ध ‘डेब्यु’ गर्न सक्ने छन्।

तर त्यसअघि साउदी अल स्टार्सले पेरिस सेन्ट जर्मेइन (पिएसजी)सँग मैत्रीपूर्ण खेल खेल्ने कार्यतालिका रहेको छ। जनवरी १९ मा हुने उक्त प्रतिस्पर्धाका लागि साउदी अल स्टार्सको टिममा रोनाल्डोलाई राख्ने विषयमा अल नसर सहमत भएको छैन।

मैत्रीपूर्ण खेलमा आफ्ना स्टार खेलाडीलाई मैदानमा उतार्ने सम्भावना कमजोर छ। तर असम्भव छैन। त्यसैले उक्त दिन पनि रोनाल्डोले क्लबका लागि भन्दा पनि साउदीको अल स्टार्स टिमको नेतृत्व गर्ने सम्भावना रहेको छ।

अल नसरको साउदी प्रो लिगमा आगामी पाँच खेलको खेल तालिकाः
१४ जनवरीः अल सबाबविरुद्ध
२२ जनवरीः अल इतिफाकविरुद्ध
२५ जनवरीः अल इतिहादविरुद्ध,
३ फेब्रुअरीः अल फतेहविरुद्ध
९ फेब्रुअरीः अल वेह्दाविरुद्ध

सम्बाददाता

Leave a Reply

Next Post

पब्जी मोबाइल विश्वकपमा नेपालको टिम उपविजेता,जित्यो लाखौं अमेरिकी डलर

Mon Jan 9 , 2023
काठमाडौं। भर्चुअल ब्याटल गेम पब्जी मोबाइल विश्व च्याम्पियनसिपमा नेपाली टोली डीआरएस गेमिङ उपविजेता बनेको छ। इन्डोनेसियाको जकार्तामा भएको अन्तिम चरणको प्रतिस्पर्धामा नेपाली टोली दोस्रो हुन सफाल भएको हो। नेपाली टोलीले २ लाख ९२ हजार अमेरिकी डलर जितेको छ। यस्तै, अर्को नेपाली टिम टीटुकेले १३औं स्थान प्राप्त गर्दै १ लाख ३२ […]

You May Like

error: