काठमाडौं।
नेपालको आधिकारिक फ्रेन्चाइज क्रिकेट प्रतियोगिता नेपाल टी-ट्वान्टी लिगका लागि नेपाली खेलाडीको ड्राफ्ट सकिएको छ ।नेपाल क्रिकेट संघ (क्यान) ले आइतबार नेपाली खेलाडीको ड्राफ्ट सकिएको जनाएको छ । ड्राफ्टबाट ६ टोलीले नेपाली खेलाडी अनुबन्ध गरेका छन् ।
यस अघि शनिबार ६ टोलीले मार्की खेलाडी अनुबन्ध गरेको छ ।अब विदेशी खेलाडीको ड्राफ्ट बाँकी रहेको छ । पहिलो संस्करणको प्रतियोगितामा काठमाडौं कान्तिपुर, लुम्बिनी अल स्टार्स, विराटनगर सुपर किङ्स, जनकपुर रोयल्स, पोखरा एभेन्जर्स र फारवेस्ट युनाईटेडले प्रतिस्पर्धा गर्ने छन् ।
काठमाडौं कान्तिपुरले मार्की खेलाडीमा ज्ञानेन्द्र मल्ल, लुम्बिनीले दीपेन्द्र सिंह ऐरी र विराटनगरले मार्की खेलाडीमा रोहित पौडेललाई अनुबन्ध गरेको छ । यस्तै जनकपुरले सोमपाल कामी, पोखराले आसिफ शेख र फारवेस्टले करण केसीलाई मार्की खेलाडी चयन गरेको छ।
ड्राफ्टबाट ६ वटै टोलीले ‘ए’ श्रेणीका खेलाडीलाई १५ लाखमा मार्की खेलाडीको रुपमा अनुबन्ध गरेको हो ।यस्तै पोखराले ‘ए’ श्रेणीका खेलाडी शरद भेषवाकरलाई १५ लाखमै अनुबन्ध गरेको छ । फारवेस्टले करण केसीलाई मार्की खेलाडी चयन गरेको छ।करणले गत वर्ष एभरेष्ट प्रिमियर लिगमा विराटनगर वारियर्सको कप्तानी गरेका थिए ।
पोखराले शरद भेषवाकरलाई मार्की खेलाडीमा अनुबन्ध गरेको छ ।यस टिममा नेपालका आशिफ शेख र आरिफ शेखसहित कुशल मल्ल, प्रतिष जिसी जस्तै खेलाडी रहेका छ ।
यस्तै श्रीलङ्का ३९ खेलाडीले ड्राफ्ट नाम दर्ता गराएका छन्। ए म्याथ्युज, ए गुणरत्ने, डी चंडीमल, के परेरा, टी परेरा, डी करुणारत्ने, डीडी सिल्भा, एन डिकवेला, ओ फर्नान्डो, एम पाथिराना सहित ३९ श्रीलंकाका खेलाडी रहेका छ ।पहिलो संस्करणको नेपाल टी-ट्वान्टी असोज ८ देखि कात्तिक ५ गतेसम्म आयोजना हुनेछ ।
पोखरा एभेन्जर्स – आसिफ शेख, शरद भेषवाकर, कुशल मल्ल, प्रतिष जिसी, आरिफ शेख, तुल बहादुर थापा, विशाल बिक्रम केसी, कृष्ण कार्की, विपिन खत्री, सुमित महर्जन, सिद्दान्त लोहनी
