काठमाडौं।
नेपाली राष्ट्रिय क्रिकेट टिमका कप्तान सन्दीप लामिछानेको टी-ट्वान्टीको बलिङ वरीयतामा सुधार भएको छ ।अन्तर्राष्ट्रिय क्रिकेट परिषद (आईसिसी) ले अपडेट गरेको नयाँ वरीयतामा सन्दीप दुई स्थान सुधार हुँदै ४० औं स्थानमा उक्लिएका छन् ।
बलिङतर्फ नै अविनाश बोहरा एक स्थान सुधार गर्दै ९४ औं स्थानमा उक्लिएका छन् ।ब्याटिङतर्फ आसिफ शेख एक स्थान सुधार गर्दै ९७ औं स्थानमा उक्लिएका छन् ।कुशल भुर्तेल ३९ औं र दीपेन्द्र सिंह ऐरी ४२ औं स्थानमा यथावत रहेका छन् ।
अलराउण्डरतर्फ पनि दीपेन्द्र ८ औं स्थानमा यथावत रहेका छन् ।एकदिवसीयतर्फ सन्दीप ३४ औं स्थानमा यथावत रहेका छन् ।सोमपाल कामी ९४ र करण केसी ९५ औं स्थानमा झरेका छन् ।
एकदिवसीय ब्याटिङतर्फ रोहित पौडेल ८१ औं र आसिफ शेख १०० औं स्थानमा यथावत रहेका छन् ।नेपालको एकदिवसीय वरीयता १९ औं स्थानमा रहदा टी-ट्वान्टीतर्फ १४ औं स्थान रहेको छ ।
यो पनि पढ्नुहोस्;एकै खेलमा बन्यो १ शतक र ४ अर्धसतक, खेलाडिले गरे चौका चौकाको वर्षा
घरेलु टोली नेदरल्याण्ड्सविरुद्धको पहिलो एकदिवसीयमा पाहुना टोली पाकिस्तान विजयी भएको छ ।नेदरल्याण्डको रोटरड्याममा मंगलबार भएको खेलमा पाहुना टोली १६ रनले विजयी भएको हो ।
यस जितसँगै पाहुना टोलीले तीन खेलको एकदिवसीय अन्तराष्ट्रिय सिरिजमा १-० को अग्रता बनाएको छ ।पाहुना टोलीले दिएको ३ सय १५ रनको लक्ष्य पछ्याएको घरेलु टोली ५० ओभरमा ८ विकेट गुमाएर २ सय ९८ रन मात्र बनाउन सक्यो।
३ सय १५ रनको लक्ष्य पछ्याएको घरेलु टोली नेदरल्याण्ड्सका लागि बिक्रमजित सिंह,स्कट एडवार्ड र टम कुपरले अर्धशतकीय ईनिङ खेले । कप्तान स्कट एडवार्डले ६० बलमा अविजित ७१ रन बनाए ।
यस क्रममा उनले ६ चौका र एक छक्का प्रहार गरेका थिए।बिक्रमजितले ९८ बलमा ६५ रनको योगदान दिएका थिए।यस क्रममा उनले ५ चौका प्रहार गरेका थिए। कुपरले ५४ बलमा ६५ रनको योगदान दिएका थिए।
यस क्रममा उनले ६ चौका र २ छक्का प्रहार गरेका थिए।लोगन भान बिकले २४ बलमा ३ चौका सहित २८ रन बनाए। बास डि लिडीले १६ तथा टिजा मानुरुले १५ रन बनाए ।
पाहुना टोलीका हरिस रउफ तथा नसिम शाहले समान ३/३ र मोहम्मद नवाज तथा मोहम्मद वासिमले समान १/१ विकेट लिए ।त्यसअघि पहिले ब्याटिङ गरेको पाकिस्तानले ५० ओभरमा ६ विकेट गुमाएर ३ सय १४ रन बनाएको थियो ।
