काठमाडौँ ।
नेपाली इन्टरनेशनल (गौतम श्रेष्ठ) को कप्तानीमा मिक्स्ड अप ब्वाइज कुर्सियोङले अगस्ट १५ मा पश्चिम सिक्किमको सोरेङ स्कुल प्ले ग्राउण्डमा खेलिएको फाइनलमा जर्जियन युनाइटेड एफसी कालिम्पोङलाई २-० ले हराएर भारतको ७६ औं स्वतन्त्रता दिवस सेलिब्रेसन कप २०२२ को च्याम्पियन बनेको छ।
३० जुलाई देखि सुरु भएको पुरुष खुल्ला फुटबल प्रतियोगिता खेलाडी मात्रै नभएर फुटबलप्रेमी दर्शकहरुको समेत सहभागितामा हिजो समापन भएको छ । प्रतियोगितामा १६ टोलीको सहभागिता रहेको थियो र १७ दिनको अवधिमा जम्मा १५ खेल खेलिएको थियो ।
मिक्स्ड अप ब्वाइज (कुर्सियोङ) ले दर्शकको मनपर्ने जर्जियन एफसी (कालिम्पोङ) लाई २ विरुद्ध ० को स्कोरकार्डका साथ जित्यो र विजेता टोलीलाई पाँच लाख भारु अर्थात् ८ लाख नेपाली रुपैया र उपविजेता टोलीलाई तीन लाख भारु अर्थात ४.८ लाख नेपाली रुपैयाँ नगद पुरस्कार प्रदान गरियो।
जर्जियन एफसी (कालिम्पोङ) का प्रविण सुब्बा प्लेयर अफ दि टुर्नामेन्ट घोषित भए । यसका साथै १७ दिनसम्म चलेको फुटबल प्रतियोगितामा नृत्य, योग र जुम्बा प्रदर्शनी मार्फत देशभक्ति झल्काउने अन्य रंगीन सांस्कृतिक प्रदर्शनीहरू पनि देखिएका थिए।
सोरेङले पहिलो स्वतन्त्रता दिवसलाई नयाँ जिल्लाको रूपमा मनाएको बेला देशव्यापी एकम उत्सव अभियान पनि एक महिनासम्म विभिन्न जिल्लाका शैक्षिक संस्थाहरूमा जारी रह्यो।
सिंगलिङ स्पोर्टिङ क्लबले IDCC, सोरेङ जिल्लाको समन्वयमा आयोजना गरेको प्रतियोगिताको अन्तिम दिनको मुख्य अतिथि मन्त्री (श्रम तथा उर्जा विभाग) सह प्रमुख संरक्षक (IDCC, Soreng), श्री एमएन शेर्पा, उहाँकी धर्मपत्नी श्रीमती कुमारी शेर्पा , श्रीमती संग याङचेन डोमा थिए ।
विधायक (सोरेङ-चकुङ) सह संरक्षक (आईडीसीसी, सोरेङ) श्री आदित्य गोले, विधायक (जुम- सालघारी) सह संरक्षक (आईडीसीसी, सोरेङ) श्रीमती सहित विशेष अतिथिको रूपमा सारदा तामाङ, सुनिता गजमेर, सल्लाहकारहरू, अध्यक्षहरू, पञ्चायत अध्यक्षहरू, रेखा विभागका HODs, विशिष्ट व्यक्तिहरू र सेनाका दिग्गजहरू उपस्थित थिय।
