काठमाडौं।
घरेलु टोली आयरल्याण्डले अफगानस्तानलाई दोस्रो टी-ट्वान्टीमा पराजित गरेको छ ।बेलफास्टमा बिहीबार राति भएको खेलमा पाहुना टोली ५ विकेटले पराजित भएको हो ।
जितसँगै ५ खेलको टी-ट्वान्टी सिरिजमा घरेलु टोलीले २-० को अग्रता बनाएको छ ।अफगानिस्तानले दिएको १ सय २३ रनको लक्ष्य घरेलु टोलीले ६ बल बाँकी रहँदा ५ विकेट गुमाएर पूरा गर्यो ।
उसका लागि कप्तान एन्डी बालबेर्नी ४६ तथा लुर्केन टुर्केर २७ रन बनाए ।जर्जी ड्याकरोलले अविजित रहदै २५ रन बनाए ।पाहुना टोलीका लागि कप्तान मोहम्मद नाबीले २ तथा मुजिब उर रहमान,फजहक फरिकि तथा नभिन उल हकले समान १/१ विकेट लिए ।
त्यसअघि पहिले ब्याटिङ गरेको भ्रमणकारी टोलीले २० ओभरमा ८ विकेट गुमाएर १ सय २२ रन बनायो ।उसका लागि हजमतुल्लाह शाहिदीले ३६ तथा ईब्राहिम जाड्रनले १७ रन बनाए । अजमतुल्लाह उमरजाईले ११ तथा नभिन उल हकले अविजित १० रन बनाए ।
आयरल्याण्डका लागि कुर्थिस च्याम्फियर,गारिथ डिलेनी,मार्क अडिर तथा जोस लिटिलले समान २/२ विकेट लिए ।दुई टोलीबीचको तेस्रो टी-ट्वान्टी शुक्रबार हुनेछ ।
यो पनि पढ्नुहोस्; जिम्बाब्वे भ्रमणका लागि भारतीय टोलीमा पुन: कप्तान परिवर्तन
जिम्बाब्वे भ्रमण अघि भारतीय टोलीका लागि खुसीको खबर आएको छ । केएल राहुललाई मेडिकल टिमले फिट घोषित गरेको छ । अब उनी टोलीको कप्तानि गर्ने भएका छन । बीसीसीआईले यसबारे जानकारी दिएको छ ।
भारतीय टोलीले जिम्बाब्वे भ्रमणमा एकदिवसीय सिरिज खेल्नुपर्नेछ । यसअघि केएल राहुल फिट नभएका कारण टिममा परेका थिएनन् । बीसीसीआईको वेबसाइटमा रिपोर्ट गरिएको छ कि मेडिकल टोलीले केएल राहुलको मूल्याङ्कन गरेको छ र जिम्बाब्वेमा आगामी तीन खेलको एकदिवसीय शृंखला खेल्न अनुमोदन गरेको छ।
अखिल भारतीय वरिष्ठ चयन समितिले उनलाई टोलीको कप्तानमा नियुक्त गरेको छ भने शिखर धवनलाई उपकप्तान बनाएको छ।
टिम: केएल राहुल (कप्तान), शिखर धवन (उपकप्तान), रुतुराज गायकवाड, शुभमन गिल, दीपक हुडा, राहुल त्रिपाठी, इशान किशन (विकेट), सञ्जु सैमसन (विकेट), वाशिंगटन सुन्दर, शार्दुल ठाकुर, कुलदीप यादव, अक्षर पटेल, अवेश। खान, प्रसिद्ध कृष्ण, मोहम्मद सिराज, दीपक चाहर।
यसअघि केएल राहुललाई टीम इन्डियामा राखिएको थिएन र शिखर धवनलाई कप्तान बनाइएको थियो। अहिले उनी पूर्ण रूपमा फिट भइसकेका छन् र फर्कन तयार छन् । लामो समय आउट भएपछि राहुल टिममा फर्किएका छन् ।
जिम्बाब्वे भ्रमणमा उनको नेतृत्व कस्तो हुन्छ त्यो भने हेर्न बाँकी छ । जिम्बावे र भारतबीचको तीन खेलको एकदिवसीय सिरिजको पहिलो खेल १८ अगस्टमा हुनेछ । यसपछि दोस्रो खेल २० अगस्टमा हुनेछ । तेस्रो तथा अन्तिम खेल २२ अगस्टमा हुनेछ । तीनवटै खेल हरारे स्पोर्ट्स क्लबमा हुनेछ ।
