काठमाडौं।
अन्तराष्ट्रिय क्रिकेट परिषद (आईसीसी) को एकदिवसीय र टी-ट्वान्टी वरीयतामा नेपाल यथावत रहन सफल भएको छ ।अन्तर्राष्ट्रिय क्रिकेट परिषद (आईसीसी) ले सार्वजनिक गरेको नयाँ वरीयता अनुसार नेपालको वरीयता यथावत रहेको हो ।
एकदिवसीयको नयाँ वरीयतामा नेपाल १९ औं स्थानमा रहेको छ । अघिल्लो वरीयतामा पनि नेपाल १९ औं स्थानमा रहेको थियो ।नयाँ वरीयतामा न्युजिल्याण्ड शीर्ष स्थानमा रहेको छ ।इंग्ल्यान्ड दोस्रो र भारत तेस्रो स्थानमा रहेको छ ।पाकिस्तान चौंथो स्थानमा रहदा अष्ट्रेलिया पाँचौं स्थानमा रहेको छ ।
हाल चाल नेपालले खेलेको २ एकदिवसीयको खेलमा नेपाल दुई खेलमा नै पराजित भएको छ।नेपालले क्यानाडा विरूद्ध एकदिवसीय खेलमा ८३ रनको विशाल हार बेहोरेको थियो।भने नामिबियासँग ४० रनले पराजित भएको थियो ।
टी-ट्वान्टी वरीयतामा पनि नेपाल यथावत रहेको छ ।नेपाल १३ औं स्थानमा रहेको छ ।एकदिवसीयमा भारत, इंग्ल्यान्ड,पाकिस्तान, दक्षिण अफ्रीका र अष्ट्रेलिया क्रमशः शीर्ष देखि पाँचौं स्थानमा रहेको छ ।
आईसीसी पुरुष विश्वकप लिग टू अन्तर्गतको त्रिकोणात्मक सिरिजका लागि स्कटल्याण्डमा रहेको नेपालले आज बुधबार दोस्रो खेल खेल्दैछ ।नेपालले सिरिजको दोस्रो खेलमा घरेलु टोली स्कटल्याण्डको सामना गर्नेछ । नेपाल र स्कटल्याण्डबीचको खेल नेपाली समय अनुसार दिउँसो ३:१५ बजे सुरु हुनेछ ।
