काठमाडौँ ।
मलेसिया क्वाड्रागुलर टि-२० सिरिजमा, जुलाई ६ मा दुई खेल खेलिएको थियो। आयोजक मलेसियाले माल्दिभ्सलाई ८ विकेटले पराजित गर्यो भने, भुटानले थाइल्याण्डलाई ६ विकेटले हराउँदै लगातार आफ्नो दोस्रो टि-२० जित दर्ता गरेको हो । आजका दुवै खेल वर्षाले प्रभावित भएका थिए ।
वर्षाका कारण पहिलो खेल ११ ओभरको थियो, जसमा थाइल्याण्डले पहिले खेल्दै ४९/८ रन मात्र बनाएको थियो। जवाफमा भुटानले ९.४ ओभरमा चार विकेट गुमाएर जित हात पारेको थियो । भुटानका नग्वाङ थिन्ले १३ रनमा ४ विकेट लिएर म्यान अफ द म्याच घोषित भए ।
दोस्रो खेल वर्षाका कारण १० ओभर मात्र भएको थियो । पहिले खेलेको माल्दिभ्सले ५७/८ रनको सामान्य स्कोर बनाएको थियो जसको जवाफमा मलेसियाले ४.२ ओभरमा मात्र दुई विकेट गुमाएर एकतर्फी जित हात पारेको थियो ।
मात्र ५ रनमा ३ विकेट लिएका र १० बलमा २५ रन बनाएका वीरनदीप सिंह म्यान अफ द म्याच घोषित भए । प्रतियोगितामा जुलाई ७ मा मलेसियाले थाइल्याण्ड र माल्दिभ्सले भुटानसँग खेल्नेछ । फाइनल खेल अंक तालिकाको शीर्ष दुई टोलीबीच जुलाई ११ मा हुनेछ।
