काठमाडौँ ।
मलेसिया क्वाड्रङगुलर टी–२० सिरिजको तेस्रो दिन भुटानले माल्दिभ्सलाई ६ रनले पराजित गर्दै इतिहास रच्यो । भुटानको यो पाँच खेलमा टी-२० मा पहिलो जित हो। एक अन्य खेलमा आयोजक मलेसियाले थाइल्याण्डलाई ९ विकेटले पराजित गर्दै लगातार तेस्रो जित दर्ता गरेको छ ।
आजको पहिलो खेलमा टस जितेर पहिले ब्याटिङ गरेको थाइल्याण्डको टोली १३.१ ओभरमा मात्र ३० रन बनाएर अलआउट भएको थियो । यो टि-२० अन्तर्राष्ट्रियमा चौथो सबैभन्दा कम स्कोर हो। जवाफमा मलेसियाले ३.५ ओभरमा मात्र एक विकेट गुमाएर जित निकालेको हो । १७ रन दिएर ४ विकेट लिएका सयजरुल इद्रिस खेलको म्यान अफ द म्याच घोषित भए ।
दोस्रो खेलमा भुटानले पहिले खेल्दै २० ओभरमा ९ विकेट गुमाएर ११० रन बनाएको थियो, जवाफमा माल्दिभ्सको टोलीले १०४/८ रन मात्र बनाउन सकेन । १५ रनमा ३ विकेट लिएर १७ रन बनाएर भुटानका नामगे थिन्ले खेलको म्यान अफ द म्याच घोषित भए ।
प्रतियोगितामा मलेसियाले माल्दिभ्सको सामना गर्नेछ भने जुलाई ६ मा थाइल्याण्डले भुटानसँग खेल्नेछ । फाइनल खेल अंक तालिकाको शीर्ष दुई टोलीबीच जुलाई ११ मा हुनेछ।
