काठमाडौँ।
टीम इन्डियाका पूर्व कप्तान विराट कोहली बंगलादेशविरुद्धको शेर–ए–बंगला क्रिकेट स्टेडियममा भएको दोस्रो टेस्ट म्याचमा फ्लप साबित भएका छन् । उनले खेलको दोस्रो इनिङ्समा २२ बल सामना गरे र केवल एक रन बनाए। (भिडियो अन्तिममा छ।)
उनलाई मोमिनुल हकले उत्कृष्ट क्याच लिएपछि अफ स्पिनर मेहदी हसन मिराजले प्याभिलियन पठाए । विराट आउट भएपछि प्याभिलियन फर्कदै गर्दा उनी रिसाए र आफ्नो आपा गुमाएका थिए ।
विराट एक रन बनाएर आउट भए:
बंगलादेशविरुद्धको दोस्रो टेष्ट खेलको तेस्रो दिन शनिबार विराट कोहली मेहदी हसन मिराजको शिकार बनेका थिए । उनी दोस्रो इनिङ्समा एक रन बनाएर आउट भए ।
उनलाई इनिङ्सको २० औं ओभरको ५ औं बलमा मेहदी हसनले मोमिनुल हकको हातमा क्याच आउट गराए । उनी टोलीको चौथो विकेटका रूपमा आउट भए, जसका कारण टीम इन्डियाको स्कोर ४ विकेटमा ३७ रन बन्यो ।
आउट भएपछि विराट विपक्षीमाथि रिसाए । उनी प्याभिलियन फर्कदै गर्दा विपक्षी टोलीका खेलाडीले उनलाई केही भनेजस्तो देखिन्छ । विराट रिसाएर फर्किए र विपक्षी खेलाडीतर्फ औंला उठाए ।
उनले फिल्डमा केही भने र प्याबिलिएन फर्किएका थिए। विराटको यो भिडियो अहिले सामाजिक सञ्जालमा भाइरल भइरहेको छ । यसैबीच बंगलादेशका कप्तान शकिब अल हसन र मैदानमा रहेका अम्पायरले उनलाई सम्झाए र उनी केही भन्दै प्याभिलियन फर्किएका थिए ।
यो खेल जित्नका लागि भारतीय टोलीलाई १४५ रनको लक्ष्य दिइएको छ । तर, तेस्रो दिनको खेल सकिँदासम्म भारतले ४ विकेट गुमाएको थियो । कार्यवाहक कप्तान केएल राहुल २, चेतेश्वर पुजारा ६, शुभमन गिल ७ र विराट कोहली १ रन बनाएर फर्किए ।
तेस्रो दिनसम्म भारतले २३ ओभरमा ४ विकेट गुमाएर ४५ रन बनाएको छ । स्टम्पको समयमा अक्षर पटेल २६ र जयदेव उनाडकट ३ रन बनाएर क्रिजमा थिए ।
