काठमाडौं।
नेपाल क्रिकेट संघ (क्यान) ले तयारी नपुगेको भन्दै आज शुक्रबारबाट सुरु हुने नेपाल टी-ट्वान्टी लिग फेरि सरेको छ।पहिलो संस्करणको नेपाल टी-ट्वान्टी क्रिकेट लिग प्रतियोगिता फेरि सरेको छ।क्यानले आधिकारिक रुपमा प्रतियोगिता सरेको र नयाँ मिति तय गरेको जनाएको छ।
पहिलो संस्करणको नेपाल टी-ट्वान्टी क्रिकेट लिग प्रतियोगिता एक दिन पछि सरेको छ ।नेपाल क्रिकेट संघ (क्यान) ले बिहीबार एक विज्ञप्ति निकाल्दै प्रतियोगिता एक दिन पछि सरेको जनाएको छ ।
क्यानले प्राविधिक कारणले प्रतियोगिता एक दिन ढिला सुरु हुने जनाएको छ ।अब प्रतियोगिता पुस ९ गते शनिबारबाट सुरु हुने भएको छ ।
यस अघि क्यानले प्रतियोगिता पुस ८ बाट २६ गतेसम्म हुने जनाएको थियो।क्यानले नेपाल टी-ट्वान्टी लिगको टुर्नामेन्ट डाइरेक्टरमा क्यानका महाप्रबन्धक वृतान्त खनाललाई नियुक्त गरेको छ ।
नेपाल क्रिकेट संघ(क्यान)को आयोजनामा पहिलो पटक हुन लागेको नेपाल टी-ट्वान्टी लिग शनिबारबाट त्रिवि क्रिकेट मैदान किर्तिपुरमा आयोजना हुदैछ ।
पहिलो संस्करणको लिगमा ६ टोलीको सहभागिता रहने छ । यस लिगमा काठमाडौं नाइट राईडर्स,पोखरा एभेन्जर्स,फार वेस्ट युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन् ।
यस लिगमा ६७ नेपाली तथा ३३ विदेशी खेलाडी छनोट भएका छन् । लुम्बिनी अल स्टार्सले ७ विदेशी खेलाडी अनुबन्ध गरेको छ ।विराटनगर सुपर किंग्स र जनकपुर रोयल्सले ६/६ विदेशी खेलाडी अनुबन्ध गरेको छ । फार वेष्ट युनाइटेड र पोखरा एभेन्जर्सले समान ५/५ तथा काठमाडौं नाइट्समा ४ विदेशी खेलाडी अनुबन्धित छन् ।
