काठमाडौं ।
अर्जेन्टिनी टिममा लियोनेल मेस्सी र युलियन अल्भारेजको जोडी निकै जमेको छ । ३५ वर्षीय मेस्सीको नयाँ जोडीको रुपमा अर्जेन्टिनी टिममा आएका छन् २२ वर्षीय अल्भारेज ।
उनीहरुको साझेदारीले क्रोएसियाको लगातार फाइनल पुग्ने आशालाई विश्राम दियो । मंगलबारको खेलमा ३५ वर्षीय मेस्सीले पेनाल्टीमा गोल गरेपछि अल्भारेजले दुई गोल गरे । लुसेल स्टेडियममा ३-० को जित हात पार्दा अल्भारेज विश्वकपको सेमिफाइनलमा दुई गोल गर्ने कान्छो खेलाडी बनेका छन् ।
‘युलियनको खेल उत्कृष्ट थियो, किनभने उनले दुई गोल मात्र गरेनन्, तर उनले हाम्रा मिडफिल्डरहरूलाई मद्दत गरे’, अर्जेन्टिनाका प्रशिक्षक लियोनेल स्कालोनीले भने, ‘उनले आफ्नो उमेरमा उत्कृष्ट खेल प्रदर्शन गरे ।’
क्रोएसियासँगको खेलको पहिलो आधा घण्टा कडा प्रतिस्पर्धा भयो । तर अर्जेन्टिनाले पाँच मिनेट अन्तरमा दुई गोल गर्योस । मेस्सीको पेनाल्टीमा अग्रता लिएको अर्जेन्टिनाका लागि अल्भारेजले ३९औं मिनेटमा गोल गरेपछि क्रोएसिया दुई गोलले पछि परेको थियो ।
अर्जेन्टिनाले मेस्सीलाई विश्वकपको उपाधि जित्ने दोस्रो मौका दियो । उनी र उनका सहकर्मी सन् २०१४ को फाइनलमा जर्मनीसँग पराजित भएका थिए ।
अल्भारेजले खेल परिवर्तन नगरुन्जेल क्रोएसियाले मिडफिल्डमा उत्कृष्ट पास खेल्दै खेल कन्ट्रोल गरेको थियो । जसले अर्जेन्टिनाको आक्रमणलाई खुलेर काम गर्न दिएको थिएन ।
क्रोएसियाका मिडफिल्डर लुका मोड्रिचबाट फुत्केको बल एन्जो फर्नान्डेजले डिफेन्सलाई कटाएर माथिबाट पास दिएपछि अल्भारेज अचानक खतरा पैदा गर्न सजग थिए ।
अल्भारेज छिटो र स्पष्ट थिए, गोलकिपर डोमिनिक लिभाकोभिचलाई पछि पार्दै थिए । लिभाकोभिच जुनसुकै समयमा प्रभावशाली व्यक्तित्व थिए । अल्भारेजको प्रहारले लिभाकोभिचलाई पार गर्न सकेन । तर लिभाकोभिचले अल्भारेजलाई फल गरेपछि अर्जेन्टिनाले पेनाल्टी पायो जसलाई मेस्सीले गोलमा परिणत गरे ।
त्यसको केही मिनेटपछि, अर्जेन्टिनाले क्रोएसियाको कर्नर क्लियर गर्यो । अल्भारेजले मैदानको आधा भागबाट नै बललाई आफ्नो पक्षमा लिए र सिधै डिफेन्समा दौडिए । अल्भारेजको बढ्दो गतिले क्रोएसियाका फुलब्याकहरूलाई चकित पारेको जस्तो देखिन्थ्यो किनकि पहिले जोसिप युरानोभिच र त्यसपछि बोर्ना सोसा बलमा स्वाइपहरू लिँदा अल्भारेज उनीहरूलाई पछि पारेर दौडिए ।
यस पटक, क्रोएसिया किपर पछाडि बसे र अल्भारेजले नजिकबाट प्रहार गर्दै बल नेटमा पुर्याोए । ‘यो राम्रो गोल थियो,’ अल्भारेजले भने, ‘म सामान्यतया बलसँग धेरै दौडिन्न तर परिस्थिति त्यस्तै पर्यो ।’
अल्भारेज उत्सव मनाउन कुनातिर दौडे र मेस्सीले उनलाई पछ्याए । दुवैले सँगै खुशी मनाए । यो जोडीले ६९ औं मिनेटमा फेरि मिलेर गोल गरे । मेसीले पाँच डिफेण्डरलाई पार गरे । मेसीको जटिल ड्रिबल गरेर दिएको पासमा अल्भारेजले सहजै फिनसिङ गरे ।
मेस्सीले केलियन एमबाप्पेसँगै जारी विश्वकपमा सर्वाधिक पाँच गोल गरेका छन् । बुधबार अर्को सेमिफाइनलमा फ्रान्सले मोरक्कोसँग खेल्दा एमबाप्पेले थप मौका पाउनेछन् ।
अल्भारेजले पनि चार गोल गरिसकेका छन् । अर्जेन्टिनाको सुरुवाती दुई खेलमा पहिलो रोजाईँमा समेत नपरेका एक खेलाडीको लागि यो नराम्रो होइन । आइतबार फाइनलका लागि लुसेल स्टेडियममा फर्कँदा उनी पक्कै पनि मेस्सीको पक्षमा हुनेछन् ।
