काठमाण्डु।
भारतले पहिलो ओडिआई खेलमा घरेलु टोली न्युजिल्यान्डलाई ३०७ रनको विशाल लक्ष्य दिएको छ । इडेन पार्क अकल्यान्डमा टस हारेर पहिला ब्याटिङको निम्तो पाएको भारतले निर्धारित ५० ओभरमा ७ विकेट गुमाउँदै ३ सय ६ रन बनायो ।
भारतका श्रेयस ऐरले ७६ बलमा ८० रनको योगदान दिएका छन्।यस क्रममा उनले ४ चौका र ४ छक्का प्रहार गरेका छ।भने भारतका लागि ओपनर शुभमन गिल र कप्तान शिखर धवनले पहिलो विकेटका लागि १२४ रनको शतकीय साझेदारी गर्दै उत्कृष्ट सुरुवात दिलाएका थिए ।यस क्रममा दुवैले अर्धसतक प्रहार गरेको थियो।
शिखर धवन ७७ बलमा ७२ रनको योगदान दिएका छन्।यस क्रममा उनले १३ चौका प्रहार गरेका थिए।धवन गिल आउट भएको अर्को ओभरमा टिम साउथीको बलमा फिन एलेनबाट क्याच आउट भएका थिए ।
आयोजकले टस जितेर पहिले बलिङ गर्ने निर्णय गरेको छ । शिखर धवन र शुभमन गिलको जोडी ओपनरको रुपमा टिम इन्डियाका लागि मैदानमा उत्रिएका छन् । दुवै भारतीय ब्याट्सम्यानले टिम इन्डियालाई उत्कृष्ट सुरुवात दिँदै पहिलो विकेटका लागि १२४ रन जोडे। लोकी फर्गुसनले शुभमन गिललाई ५० रनमा आउट गरेपछि अर्कोतर्फ उभिएका शिखर धवनले आफ्नो उत्कृष्ट अर्धशतकीय इनिङ्स खेल्दै ठूलो कीर्तिमान बनाएका छन् ।
लिस्ट–ए–क्रिकेटमा शिखर धवनले १२ हजार रन पूरा गरेका छन् । यस्तो गर्ने आठौं भारतीय ब्याट्सम्यान बनेका छन् । यस खेलमा शिखर धवनले ७२ रनको शानदार इनिङ खेले । उनलाई आउट गर्दै टिम साउथीले एकदिवसीय क्रिकेटमा आफ्नो २०० औं विकेट लिए । शिखर धवनले आफ्नो ७२ रनको इनिङ्समा ७७ बल खेले, जसमा १३ चौका समावेश थिए। सुरुमा, शिखर धवनले सावधानीपूर्वक ब्याटिङ गरे तर त्यसपछि आफ्नो इनिङ्समा उत्कृष्ट शटहरू प्रहार गरे र आफ्नो करियरको ३९ औं अर्धशतक बनाए।
शिखर धवन टीम इन्डियाका लागि लिस्ट ए खेलमा १२ हजार रन पूरा गर्ने आठौं ब्याट्सम्यान बनेका छन् । यसअघि यो कीर्तिमान युवराज सिंह, मोहम्मद अजहरुद्दीन, एमएस धोनी, विराट कोहली, राहुल द्रविड, सौरभ गांगुली र सचिन तेन्दुलकरको नाममा छ। लिस्ट ए क्रिकेटमा २२२११ रनको कीर्तिमान इंग्ल्याण्डका ग्राहम गुचको नाममा छ । जबकि सचिन तेन्दुलकर २१९९९ रन बनाएर यो सूचीको तेस्रो नम्बरमा छन् । शिखर धवनले लिस्ट ए क्रिकेटमा २९७ खेल खेलेका छन् र यस अवधिमा उनले ३० शतक र ६६ अर्धशतक सहित १२ हजार २५ रन बनाएका छन् । लिस्ट ए खेलमा उनको उच्चतम स्कोर २४८ रन हो ।
