काठमाडौं ।
एसिया रग्बी च्याम्पियनसिप डिभिजन ३ साउथको पहिलो खेलमा नेपाल पराजित भएको छ । भारतको कोलकत्तामा शनिबार भएको खेलमा नेपाल घरेलु टोलीसँग पराजित भएको हो ।
रग्बी १५ अन्तर्गतको खेलमा नेपाललाई भारतले ८६-० स्कोरले हराएको हो । रग्बी १५ मा नेपालको यो दोस्रो खेल हो । नेपालले गत असारमा ढाकामा बंगलादेशविरुद्ध डेब्यु गरेको थियो ।
एसिया रग्बी च्याम्पियनसिप डिभिजन ३ साउथमा नेपालसहित भारत र बंगलादेश गरी ३ राष्ट्रको सहभागिता रहेको छ । अब नेपालले मंगलबार बंगलादेशसँग खेल्ने छ ।
प्रतियोगिताका लागि २६ खेलाडीसहित २९ सदस्यीय नेपाली टोली कोलकत्तामा रहेका छन् ।
यो पनि पढ्नुहोस्: मुम्बई इण्डियन्स टोलीमा फर्किदै छन यी घातक बलर, १५४ को स्पिडमा गर्छन बलिङ्ग
आईपीएल विश्वको सबैभन्दा धेरै हेरिने लिग हो। धेरै स्टार क्रिकेटरले यहाँ खेलेर आफ्नो करियर बनाएका छन् । मुम्बई इन्डियन्स आईपीएलको सबैभन्दा सफल टोली मध्ये एक हो।
रोहित शर्माको कप्तानीमा मुम्बईले ५ पटक आईपीएलको उपाधि जितेको छ । अब आईपीएल २०२३ को लागि, एक स्टार खेलाडी मुम्बई इन्डियन्स मा वापसी गर्न सक्छन। यी खेलाडी अहिले चोटका कारण मैदान बाहिर छन् । जानौं यी खेलाडीको बारेमा।
इंग्ल्यान्डका स्टार फास्ट बलर जोफ्रा आर्चर छिटो निको हुँदैछन् । क्रिकबजको रिपोर्टका अनुसार उनी अर्को वर्षको आईपीएलमा मुम्बई इन्डियन्सको टोलीमा फर्किन सक्छन् ।
उनी हाल युनाइटेड अरब इमिरेट्समा इंग्ल्याण्ड लायन्स टोलीसँग छन् र आफ्नो पुनर्वास जारी राखेका छन्। उनले उत्कृष्ट प्रगति गरिरहेको छन र उनले २०२३ को प्रारम्भिक भागमा पुन: प्रतिस्पर्धात्मक रूपमा खेल्न चाहन्छन भन्ने धारणा छ।
गत वर्ष भएको मेगा अक्सनमा इंग्ल्याण्डका घातक बलर जोफ्रा आर्चरलाई मुम्बई इन्डियन्सले ८ करोड भारुमा किनेको थियो । त्यतिबेला उनी फिट थिएनन् तर पनि मुम्बई इन्डियन्सले उनलाई टिममा राखेको थियो ।
मुम्बईले आईपीएल २०२३ (इंग्ल्याण्ड) का लागि पनि जोफ्रा आर्चरलाई रिलिज गरेको छैन। जोफ्रा आर्चर आफ्नो किलर बलिङका लागि चर्चित छन् ।
जसप्रित बुमराह पहिले नै मुम्बई इन्डियन्समा उपस्थित छन्। यस्तो अवस्थामा जोफ्रा आर्चर उनको बलिङ पार्टनर बन्न सक्छन् । यी दुई बलरको जोडीले विश्वको कुनै पनि ब्याटिङ आक्रमणलाई जित्न सक्छ । आर्चरले आईपीएलमा ३५ खेलमा ४६ विकेट लिएका छन् ।
