काठमाडौँ ।
इंग्ल्यान्डले आईसीसी टी-ट्वान्टी पुरुष विश्वकप क्रिकेटको उपाधि जितेको छ । अष्ट्रेलियाको मेलबर्नमा आइतबार भएको फाइनलमा पाकिस्तानलाई ५ विकेटले हराउँदै इंग्ल्यान्ड च्याम्पियन बनेको हो।
पाकिस्तानले दिएको १ सय ३८ रनको लक्ष्य इंग्ल्यान्डले १९ ओभरमा ५ विकेट गुमाएर १ सय ३८ रन बनाएर पूरा गर्यो । इंग्ल्यान्डको जितमा बेन स्टोक्स नायक बने । उनले अविजित रहदै सर्वाधिक ५२ रनको अर्धशतकीय इनिङ खेले ।
लियाम लिभिङस्टोन १ रनमा अविजित रहे । कप्तान जोस बट्लर २६ रनमा आउट हुँदा ह्यारी ब्रुकले २० रन बनाए । मोइन अली १९ रन, फिल साल्ट १० रनमा आउट भए भने एलेक्स हेल्स १ रनमा आउट भए ।
तर टी-२० विश्वकप २०२२ मा बिराट कोहली सबैभन्दा सफल ब्याट्सम्यान साबित भएका छन्। यस प्रतियोगितामा ६ खेल खेल्दै उनले ९८.६६ को औसतमा २९६ रन बनाउन सफल भए। यस क्रममा उनको ब्याटबाट ५ अर्धशतक प्रहार भएको थियो ।
नेदरल्याण्ड्सका म्याक्स ओ’डाउड २०२२ को टी–२० विश्वकपमा सर्वाधिक रन बनाउने खेलाडीको सूचीमा दोस्रो नम्बरमा रहे । म्याक्स ओ’डाउडले टी–२० विश्वकप २०२२ को ८ खेलमा ३४.५७ को औसतमा २४२ रन बनाएका छन् ।
सूर्यकुमार यादव यो सूचीमा परेका दोस्रो भारतीय ब्याट्सम्यान हुन्। सूर्यकुमार यादवले ६ खेलमा ५९.७५ को औसतमा २३९ रन बनाएका छन् । यस अवधिमा उनको स्ट्राइक रेट १८९.६८ रहेको छ ।
इङ्ल्यान्डका कप्तान जोस बटलर सर्वाधिक रन बनाउनेमा चौथो नम्बरमा रहे । जोस बटलरले ६ खेलमा १४४.२३ को स्ट्राइक रेटमा २२५ रन बनाए । तर, फाइनल खेलमा उनले ठूलो इनिङ खेल्न सकेनन् ।
श्रीलंकाका कुसल मेन्डिस २०२२ को टी–२० विश्वकपमा सर्वाधिक रन बनाउने पाँचौं खेलाडी हुन् । उनले ८ खेलमा ३१.८५ को औसतमा २२३ रन बनाएका छन् ।
