काठमाडौँ।
आईसीसी टी–२० विश्वकप २०२२ को पहिलो सेमिफाइनलमा पाकिस्तानले न्यूजिल्याण्डको सामना गरेको छ । पाकिस्तानविरुद्ध केन विलियम्सनले टस जितेर पहिले ब्याटिङ गर्ने निर्णय गरेका थिए ।
ड्यारेल मिचेलको अर्धशतकको आधारमा टोलीले ४ विकेटमा १५२ रन बनाएको थियो । जवाफमा पाकिस्तानले कप्तान बाबर आजम र मोहम्मद रिजवानको विस्फोटक इनिङ्सको आधारमा १९.१ ओभर ३ विकेट गुमाएर लक्ष्य पुरा गरेको छ ।
सहज जितसँगै टोली तेस्रो पटक टी–२० विश्वकपको फाइनलमा प्रवेश गरेको छ । पाकिस्तानको टोलीको ओपनिङलाई लिएर लगातार प्रश्न उठिरहेको थियो तर सेमिफाइनलजस्तो ठूलो खेलमा दुवैले धमाकेदार सुरुवात गरे ।
कप्तान बाबर र रिजवानले पहिलो विकेटका लागि १०५ रनको साझेदारी गरे र खेल लगभग न्यूजिल्याण्डको लागि त्यहीँ समाप्त भयो। बाबरले ४२ बलमा ७ चौका प्रहार गर्दै ५३ रनको पारी खेले ।
सुरुमा पाकिस्तानविरुद्ध विकेट गुमाएपछि टोलीलाई रिकभर गर्न आवश्यक थियो। कप्तान केन विलियम्सन र ड्यारेल मिचेलले यो काम गरे। एलन फिन, डेभन कोनवे र ग्लेन फिलिप्सको झटका पछि दुवैले चौथो विकेटका लागि ६८ रनको साझेदारी गरे।
कप्तान ४२ बलमा ४६ रन बनाएर फर्किएपछि मिचेलले ३५ बलमा ५३ रन बनाएर टिमलाई फाइटिङ स्कोरमा पुर्याए । अन्तमा जिम्मी निशमले १२ बलमा १६ रन बनाए ।
पाकिस्तानका लागि पहिलो ओभरमै सफलता दिलाएका शाहिन शाहले ४ ओभरमा २४ रन दिएर २ विकेट लिए । २ ओभर बलिङ गरेपछि मोहम्मद नवाजले १२ रन दिएर १ विकेट लिए । यसबाहेक अन्य कुनै बलरले विकेट लिन सकेनन् ।
न्यूजिल्याण्ड विरुद्धको सहज जितसँगै पाकिस्तानले टी–२० विश्वकपको फाइनलमा स्थान पक्का गरेको छ । टोली फाइनलमा पुगेको यो तेस्रो पटक हो । सन् २००७ मा पहिलो पटक टी–२० विश्वकप खेल्दा टोली फाइनलमा पुग्न सफल भएको थियो ।
यहाँ उनलाई हराउँदै भारतले उपाधि जितेको थियो । यसपछि सन् २००९ मा टोलीले फेरि फाइनलमा स्थान बनाएको थियो र यसपटक पनि ट्रफी जितेको थियो ।
पाकिस्तान र न्यूजिल्याण्ड प्लेइङ-११:
न्यूजील्याण्ड: फिन एलेन, डेभोन कोनवे (विकेटकीपर), केन विलियमसन (सी), ग्लेन फिलिप्स, डेरिल मिचेल, जिमी नीशम, मिचेल स्यान्टनर, टिम साउथी, ईश सोधी, लोकी फर्गुसन, ट्रेन्ट बोल्ट।
पाकिस्तान: मोहम्मद रिजवान (विकेटकीपर), बाबर आजम (क), मोहम्मद हरिस, शान मसूद, इफ्तिखार अहमद, मोहम्मद नवाज, शादाब खान, मोहम्मद वसीम जुनियर, नसीम शाह, हरिस रउफ र शाहीन अफ्रिदी।
