काठमाडौँ ।
टी–२० विश्वकपमा तेस्रो जित हात पार्दै भारतीय टोली सेमिफाइनलको लागि अगाडी बढेको छ । टी–२० विश्वकपको आजको खेलमा भारतले बंगलादेशलाई डकवर्थ लुइस नियमअनुसार ५ रनले पराजित गरेको छ ।
विराट कोहलीको अर्धशतकीय खेलमा भारतले ६ विकेटमा १८४ रन बनाएको थियो । जवाफमा बंगलादेशले तीव्र गतिमा सुरुआत गर्यो। ७ ओभरमा बिना विकेट ६६ रन थियो ।
लिटन दास अर्धशतक बनाएर खेलिरहेका थिए । तर त्यसपछि वर्षाका कारण खेल रोकिएको थियो । खेल फेरि सुरु हुँदा बंगलादेशले डकवर्थ लुइस नियम अनुसार १६ ओभरमा १५१ रनको लक्ष्य दिएको थियो । तर ६ विकेट गुमाएर मात्र १४५ रन बनाउन सक्यो ।
सुपर–१२ को समूह–२ को बारेमा कुरा गर्दा भारतको ४ खेलमा यो तेस्रो जित हो । जितसँगै टोली तालिकाको पहिलो स्थानमा पुगेको छ । दक्षिण अफ्रिकाको ३ खेलमा ५ अंक छ र पहिलोबाट दोस्रो स्थानमा पुगेको छ ।
शाकिब अल हसनले भने कि यो हरेक पटक हुन्छ। उनले टोलीको ब्याटिङप्रति पनि प्रतिक्रिया दिए । शकिब अल हसनले भने, ‘जब हामी भारतविरुद्ध खेल्छौं, तब यस्तै भएको छ सधै ।
हामी लगभग विजयी पक्षमा हुन्छौ तर खेल लाइनमा पार्न सक्दैनौं। दुबै टोलीले यसको आनन्द उठाए, यो एक उत्कृष्ट खेल थियो र हामीले चाहेको त्यही हो। आखिर कसैको जित हुन्छ र कसैले हार्नु पर्छ।
लिटन दासको ब्याटिङको बारेमा शाकिबले भने कि उनी हाम्रा उत्कृष्ट ब्याट्सम्यान हुन् । उसले पावरप्लेमा जसरी ब्याटिङ गरे, हामीले धेरै गति पायौं र हामीले यहाँ छोटो बाउन्ड्रीमा त्यो स्कोरलाई पछ्याउन सक्छौं भन्ने सोचेका थियौं।
यदि तपाईंले भारतका शीर्ष चारलाई हेर्नुभयो भने, तिनीहरू अत्यन्त खतरनाक छन्। हाम्रो योजना ती ४ लाई आउट गर्ने थियो र त्यसैले हामीले टास्किनलाई बलिङ गर्न दिएका थियौ ।
दुर्भाग्यवश उनले विकेट लिन सकेनन् तर उनी धेरै किफायती साबित भए। हामीसँग अझै एक खेल खेल्न बाँकी छ र हामी त्यसमा ध्यान केन्द्रित गर्न चाहन्छौं।
