काठमाडौँ
आईसीसी टी–२० विश्वकप क्रिकेटमा भारत र बंगलादेशबीच निकै महत्वपूर्ण खेल हुँदैछ । भारतविरुद्ध बंगलादेशका कप्तान शकिब अल हसनले टस जितेर पहिले बलिङ गर्ने निर्णय गरेका थिए।
केएल राहुल र विराट कोहलीको उत्कृष्ट अर्धशतकीय पारीको आधारमा भारतले ६ विकेटमा १८४ रन बनाएको छ । कोहलीले ४४ बलमा ६४ रन बनाएर अविजित फर्किए ।
बंगलादेशको बिरूद्ध, केएलको ब्याटबाट शट निस्किएपछि टीम इण्डियाले राहतको सास फेर्यो, यस खेलमा उनका साथी कप्तान रोहित शर्माले मात्र २ रन बनाउन सके पनि यी खेलाडीले अर्धशतक बनाए।
पहिलो विकेटको पतनपछि केएलले विराट कोहली उत्कृष्ट फर्ममा रहेको इनिङ्सलाई सम्हालेका थिए । केही समय रोकिएपछि केएलले ३१ बलमा एकपछि अर्को ४ छक्का प्रहार गर्दै आफ्नो अर्धशतक पूरा गरे।
केएलले १ बलपछि विकेट गुमाए पनि पारी उत्कृष्ट रह्यो । सूर्यकुमारले छोटो तर बलियो इनिङ्स खेल्दै टोलीका लागि १६ बलमा ३० रन जोडे। उनलाई शकिब अल हसनले क्लिन बोल्ड गरे ।
त्यसपछि मैदानमा आएका हार्दिक पाण्ड्याले खासै केही गर्न सकेनन् र ५ रन बनाएर फर्किए । एक छेउमा विकेट झर्न थाल्यो तर अर्को तर्फ विराटको ब्याट चर्को गतिमा चलिरहेको थियो । उनी ४४ बलमा ८ चौका र १ छक्का प्रहार गर्दै ६४ रनको अविजित इनिङ्स खेलेर फर्किए ।
यस महत्वपूर्ण खेलमा टिम इन्डियाले दिनेश कार्तिकलाई विकेटकिपरको रुपमा पनि मौका दिएको छ । पछिल्लो खेलमा उनी घाइते भएका थिए । यति मात्र होइन, उनले पहिलो दुई खेलमा ब्याटिङबाट अचम्मको केही गर्न सकेका छैनन् ।
बिराट कोहलीको किर्तिमान:
टी–२० विश्वकपमा सर्वाधिक रन बनाउनेमा विराट कोहली अहिले पहिलो नम्बरमा आएका छन्। उनले आज (नोभेम्बर २ मा) बंगलादेशविरूद्धको टी–२० विश्वकपमा थप १५ रन बनाए भने उनी टी–२० विश्वकपमा सर्वाधिक रन बनाउने खेलाडी बन्ने थिए।
आजको तुफानी पारि संगै टी–२० विश्वकपमा सर्वाधिक रन बनाउने पहिलो ब्याट्सम्यान बनेका छन् । टी–२० विश्वकपमा कोहलीको नाममा हाल १ हजार १ रन छ। टी–२० विश्वकपको इतिहासमा महेला जयवर्धनेले हालसम्म सर्वाधिक १०१६ रन बनाएर शीर्ष स्थानमा थिए ।
भारतको प्लेइङ-११: केएल राहुल, रोहित शर्मा, विराट कोहली, सूर्यकुमार यादव, हार्दिक पाण्ड्या, अक्षर पटेल, दिनेश कार्तिक, आर अश्विन, मोहम्मद शामी, भुवनेश्वर कुमार, अर्शदीप सिंह।
बंगलादेश प्लेइङ–११: नजमुल हुसेन शान्तो, लिटन दास, शकिब अल हसन, अफिफ हुसेन, नुरुल हसन, मोसाद्देक हुसेन, यासिर अली, तस्किन अहमद, मुस्ताफिजुर रहमान, हसन महमूद, शोरिफुल इस्लाम।
