उत्कृष्ट प्रदर्शनक बाबजुद टिममा नपरेकोमा पृथ्वी शाले व्यक्त गरे निराशा, गरे भावुक पोस्ट

काठमाडौँ ।

चालू टी–२० विश्वकपपछि हुने न्यूजिल्याण्ड भ्रमणका लागि भारतीय टोलीको घोषणा भएको छ । यो टोलीमा पृथ्वी शाको नाम समावेश छैन । यसैबीच पृथ्वीले सामाजिक सञ्जालमा एक भावुक पोस्ट गरेका छन्।

उक्त पोस्टलाई उनका फ्यानहरुले टिममा समावेश नगरेकोले उनले गरेको हुन् भन्दै हेरिरहेका छन् । वास्तवमा, न्यूजिल्याण्ड विरुद्धको शृंखलाका लागि बीसीसीआईले टी-२० र एकदिवसीय दुवै टोलीको घोषणा गरेको छ।

जसमा हार्दिक पाण्डेयलाई टी–२० क्रिकेटको कप्तान बनाइएको छ भने शिखर धवनलाई एकदिवसीयमा कप्तान बनाइएको छ । यी दुवै टोलीमा पृथ्वी शाको नाम समावेश छैन । योसँगै बंगलादेशविरुद्धको टी–२० सिरिजका लागि पनि पृथ्वीको नाम समावेश गरिएको छैन ।

यसैबीच पृथ्वीले आफ्नो इन्स्टाग्राम अकाउन्टमा एउटा स्टोरी सेयर गरेका छन् । यो स्टोरी हेरेर उनका फ्यानहरुले पृथ्वीलाई टिममा समावेश नगरेकोमा दुःख लागेको र त्यही कारणले यस्तो पोस्ट शेयर गरेको बताएका छन् ।

यस स्टोरीमा पृथ्वीले साईबाबाको तस्बिर राखेर भावुक सन्देश लेखेका छन् । पृथ्वीले लेख्छन, “आशा छ तपाईं सबै हेर्दै हुनुहुन्छ साई बाबा।”


पृथ्वी शले साई भगवानलाई धेरै मान्दछन् र इन्स्टाग्राममा आफ्नो प्रोफाइल फोटोमा उनको तस्विर पनि राखेका छन्। फ्यानहरुले पृथ्वीलाई समावेश नगर्नु निराशाजनक रहेको बताएका छन् ।

यसअघि दक्षिण अफ्रिकाविरुद्धको सिरिजमा पनि पृथ्वीको नाम समावेश गरिएको थिएन । त्यसबेला पनि पृथ्वीले मौका नपाएकोमा निराशा व्यक्त गरेका थिए । पृथ्वीको यो घरेलु सिजन पनि निकै राम्रो रह्यो ।

उनले हाल खेलिरहेको सैयद मुश्ताक अली ट्रफीमा पनि तुफानी शतक बनाएका थिए । घरेलु क्रिकेटमा राम्रो प्रदर्शन गरे पनि चयनकर्ताले उनलाई बेवास्ता गरेर फ्यानलाई निकै अचम्ममा पारेका छन् ।

यससँगै बंगलादेश भ्रमणका लागि टेष्ट र एकदिवसीय टोलीको घोषणा गरिएको छ । रविन्द्र जडेजा बंगलादेश भ्रमणमा फर्किएका छन् । उनी न्यूजिल्याण्ड भ्रमणको टोलीमा छैनन् । हार्दिक पाण्ड्या न्यूजिल्याण्डमा टी-२० कप्तान हुनेछन्। एकदिवसीय सिरिजमा शिखर धवनलाई कप्तानी दिइएको छ ।

सम्बाददाता

Leave a Reply

Next Post

मुम्बई इन्डियन्सका यी खेलाडीले टी–२० क्रिकेटमा १३ छक्काको बर्षा गर्दै बनाए किर्तिमान

Mon Oct 31 , 2022
काठमाडौँ । दक्षिण अफ्रिकाका युवा क्रिकेटर र आईपीएलमा मुम्बई इन्डियन्सका लागि खेल्ने डेवाल्ड ब्रेभिसले टी-२० क्रिकेटमा कीर्तिमानी इनिङ्स खेलेका छन्। उनले ५७ बलमा १६२ रन बनाएका छन्। उनले दक्षिण अफ्रिकाको घरेलु टि-२० प्रतियोगितामा टाइटन्सका लागि खेल्दा नाइट्स विरुद्ध यो रन बनाएका थिए। यस क्रममा उनले आफ्नो पारीमा १३ चौका र […]

You May Like

error: