काठमाडौँ ।
टी–२० विश्वकपको ३०औँ खेल भारत र दक्षिण अफ्रिकाबीच पर्थमा हुँदैछ । यस खेलमा भारतीय टोलीले २० ओभरमा ९ विकेट गुमाएर १३३ रन बनाएको छ ।
भारतका लागि सूर्यकुमार यादवले उत्कृष्ट ब्याटिङ लाइन अप प्रस्तुत गरे र अन्य भारतीय ब्याट्सम्यानको फ्लप प्रदर्शनको बाबजुद टोलीलाई सम्मानजनक स्कोरमा पुर्याए।
टस जितेर पहिले ब्याटिङ रोजेको भारतले टोलीको सुरुवात खासै भएन । इनिङ्सको पहिलो ओभर मेडन थियो तर त्यसपछि भारतका दुवै ओपनर केएल राहुल र रोहित शर्माले केही सट खेले ।
चौथो ओभरमा लुंगी एनगिडीले रोहितलाई आउट गरे र उनी १५ रनमा आउट भए। राहुलको फ्लप प्रदर्शन जारी रह्यो र उनी ९ रनमा आउट भए । विराट कोहली पनि १२ रन बनाएर आउट भए ।
योसँगै दीपक हुड्डाले खाता खोल्ने मौका पनि पाएनन् । एनगिडीले २ रनको व्यक्तिगत स्कोरमा हार्दिक पाण्ड्यालाई आउट गर्दै चौथो विकेट लिए। यसरी दश ओभरमा भारतका पाँच ब्याट्सम्यान फर्किए ।
यहाँबाट सूर्यकुमार यादवले अग्रता लिए र दिनेश कार्तिकसँग अर्धशतकीय साझेदारी गर्दै स्कोर १०१ मा पुर्याए। कार्तिक ६ रन बनाएर आउट भए । सूर्यकुमारले आफ्नो शट खेल्न जारी राखे र चालू विश्वकपमा लगातार दोस्रो अर्धशतक बनाए।
१९ औं ओभरमा आउट भएका सूर्यकुमारले ४० बलमा ६ चौका र तीन छक्काको मद्दतले ६८ रन बनाए । दक्षिण अफ्रिकाका लागि लुंगी एनगिडीले ४ र वेन पार्नेलले ३ विकेट लिए ।
भारतको प्लेइङ ११: केएल राहुल, रोहित शर्मा (कप्तान), विराट कोहली, सूर्यकुमार यादव, हार्दिक पाण्ड्या, दीपक हुडा, रविचन्द्रन अश्विन, भुवनेश्वर कुमार, अर्शदीप सिंह र मोहम्मद शामी।
दक्षिण अफ्रिकाको प्लेइङ ११: टेम्बा बाभुमा (कप्तान), क्विन्टन डी कक, रिले रोसो, एडेन मार्कराम, डेभिड मिलर, ट्रिस्टन स्टब्स, वेन पेर्नेल, केशव महाराज, लुंगी एनगिडी, कागिसो रबाडा, एनरिके नोर्किया।
