काठमाडौँ ।
अक्टोबर १३ देखि १६ सम्म ब्राजिलमा भएको चार टोलीको २०२२ महिला दक्षिण अमेरिकी क्रिकेट च्याम्पियनसिपमा क्यानडा ११ ले फाइनलमा ब्राजिल महिला टोलीलाई ३६ रनले पराजित गर्दै उपाधि कब्जा गरेको छ। प्रतियोगिताका बाँकी दुई टोली अर्जेन्टिना र पेरु थिए ।
अचम्म लाग्दो कुरा के छ भने यस टूर्नामेंटमा सबै क्यानडा इलेवनका सबै चार खेलहरू टि-२० अन्तर्राष्ट्रिय थिएनन्। तर ब्राजिल, पेरु र अर्जेन्टिनाबीचको खेल अन्तर्राष्ट्रिय थियो। अक्टोबर १३ मा भएको पहिलो खेलमा क्यानडा इलेभेनले अर्जेन्टिनालाई ११२ रनले नराम्रोसँग पराजित गरेको थियो ।
क्यानडाको टोलीले २० ओभरमा ३ विकेट गुमाएर १८१ रन बनाएको थियो, जसको जवाफमा अर्जेन्टिनाको टोली १७.१ ओभरमा ६९ रनमा अलआउट भयो। क्यानडाकी दिव्या सक्सेनाले ४६ बलमा ८२ रन र ११ रनमा दुई विकेट लिएर खेलको प्लेयर अफ द म्याच भएकी थिइन । १३ अक्टोबरमा भएको दोस्रो खेलमा ब्राजिलले पेरुलाई २०२ रनको ठूलो अन्तरले हराएको थियो।
पहिलो खेलमा ब्राजिलले २० ओभरमा २ सय ३५ रन बनाएको थियो भने प्लेयर अफ द म्याच रोबर्टा एभरीले ४६ बलमा ७७ र लौरा अगाथाले ५२ बलमा ७१ रन बनाएकी थिइन्। जवाफमा पेरुको टोलीले २० ओभरमा ६ विकेट गुमाएर ३३ रन मात्र बनायो। सामन्था हिकम्यानले ५२ बलमा ८ रनको अविजित इनिङ खेलिन् । अक्टोबर १४ मा भएको तेस्रो खेलमा क्यानडा ११ ले ब्राजिललाई ४५ रनले पराजित गरेको थियो ।
क्यानडाको टोलीले पहिले खेल्दै २० ओभरमा ३ विकेट गुमाएर १७७ रन बनाएको थियो भने ड्यानियल म्याकगाहेले ४६ बलमा सर्वाधिक ७३ रन बनाएकि थिइन। जवाफमा ब्राजिलको टोलीले १३२/५ रन मात्र बनाउन सक्यो। रोबर्टा एभरीले ६० बलमा ६३ रनको अविजित इनिङ्स खेलिन् । १४ अक्टोबरमा नै चौथो खेलमा अर्जेन्टिनाले पेरुलाई १० विकेटले हराएको थियो ।
पेरुको टोली १५.४ ओभरमा मात्र ३१ रन बनाएर अलआउट भएको थियो, जसको जवाफमा अर्जेन्टिनाले २ ओभरमा कुनै विकेट नगुमाई विजयी भएको थियो । अर्जेन्टिनाका लागि एलिसन स्टोक्सले मात्र ३ रनमा ७ विकेट लिएर महिला टी–२० अन्तर्राष्ट्रियको एक इनिङ्समा उत्कृष्ट बलिङको कीर्तिमान बनाएकी छिन् । १५ अक्टोबरमा ब्राजिलले अर्जेन्टिनालाई आठ विकेटले हराएको थियो।
पहिले खेल्दै अर्जेन्टिनाले २० ओभरमा ५ विकेट गुमाएर १३३ रन बनाएको थियो, जसको जवाफमा ब्राजिलले १७.४ ओभरमा मात्र दुई विकेट गुमाएर जित हात पारेको थियो । ‘प्लेयर अफ द म्याच’ रोबर्टा एभरीले ५१ बलमा ५२ रनको अविजित इनिङ्स खेलिन्।
अक्टोबर १५ मा नै लिग चरणको अन्तिम खेलमा क्यानडा ११ ले पेरुलाई १० विकेटले हराएको थियो । पेरुको टोली १९.४ ओभरमा ३४ रन मात्रै समेटेर अलआउट भएको थियो, जवाफमा क्यानडा ११ ले ३.३ ओभरमा विकेट नगुमाई जित हात पारेको थियो । क्यानडाका लागि अचीनी परेराले ४ रनमा ३, मन्नत हुन्दलले १ रनमा २, रिया मिश्राले ३ रनमा २ र क्रिस्मा कपाडियाले ४ रनमा २ विकेट लिए ।
१६ अक्टोबरमा भएको फाइनलमा पहिलो खेल खेलेको क्यानडा ११ ले १९.१ ओभरमा १२५ रन बनाएको थियो, जसको जवाफमा ब्राजिल १७ ओभरमा ८९ रन बनाएर अलआउट भयो। क्यानडाकी दिव्या सक्सेना (४२ र ४/१५) उत्कृष्ट अलराउन्ड प्रदर्शनका लागि प्लेयर अफ द म्याच घोषित भइन्।
प्रतियोगितामा ब्राजिलका रोबर्टा एभरीले सर्वाधिक २०१ रन बनाए भने अर्जेन्टिनाका एलिसन स्टोक्सले सर्वाधिक आठ विकेट लिए। उल्लेखनीय छ कि पछिल्लो पटक यो प्रतियोगिता २०१९ मा खेलिएको थियो जसमा ब्राजिलले फाइनलमा अर्जेन्टिनालाई हराएर उपाधि जितेको थियो ।
