काठमाडौं ।
एएफसी यू-१७ एसियन कप छनोटको पहिलो खेलमा नेपालले हार व्यहोरेको छ । भियतनामको फुथोस्थित भियत त्रि स्टेडियममा बुधबार भएको खेलमा नेपाल बलियो टोली थाइल्याण्डसँग ३-० गोल अन्तरले पराजित भएको हो ।
थाइल्याण्डलाई जित दिलाउन तोन्तावान पुन्तामुनीले दुई गोल गरे । यस्तै थानाक्रित जाम्पालीले एक गोल गरे । अब नेपालले दोश्रो खेल भिएतनाम संग भोलि अर्थात ७ अक्टुबरमा खेल्नेछ ।
नेपाल संग खेल्नुअघि भिएतनाम उत्कृष्ट लयमा रहेको छ । हिजो रहेको चाइनिज ताइपे बिरुद्दको खेलमा भिएतनामले सानदार जित निकालेको छ । भिएतनामले ४-० गोलअन्तरले बलियो टोलि चाइनिज ताइपे लाई हराएको हो। यो संगै भिएतनामले ३ अंक जोडेको छ ।
भिएतनामको लागि पहिलो गोल होआङ सनले १९ औ मिनेटमा गरे । ले फाटले ७३ औ मिनेट र ८२ औ मिनेटमा गोल गर्दै टिमलाई २ सफलता दिलाए । त्यस्तै होअंग अंहले ८० मिनेटमा तेस्रो गोल गरेका थिए । यसरि ४-० गोलानातरले भिएतनामले सानदार जित निकाल्यो ।
नेपाली यू-१७ राष्ट्रिय फुटबल टिमका मुख्य प्रशिक्षक उर्जन श्रेष्ठले एएफसी यू-१७ एसियन कप छनोटमा थाइल्याण्डविरुद्ध टिमको प्रदर्शन राम्रो रहेको बताएका छन् । पहिलो खेलमा हारको बाबजुत उर्जनले केहि गल्तीको कारण गोल खाएको तर प्रदर्शन राम्रो भएको बताए ।
‘समग्रमा प्रदर्शन राम्रो छ । पहिलो हाफमा हामीले एउटा गल्ती गर्यौं र गोल खायौं । गोलकिपरले साधारण बल क्लियर गर्न असफल भयो । दोस्रो हाफमा हामी लयमा रहन सकेनौं । किनभने हामी खेलमा फर्किन चाहन्थ्यौं । गोल फर्काउन चाहन्थ्यौं,’ खेलपछि उनले भने ।
यो समूहमा नेपालसँगै थाइल्यान्ड, भियतनाम र चाइनिज ताइपेई छन् । “समग्रमा हामीले राम्रो खेलेको हो । पहिलो हाफमा एक सानो गल्ती हुँदा गोल खायौँ । गोलकिपरले राम्रो बल क्लियर नगर्दा गोल हुन पुग्यो,” नेपालका प्रशिक्षक उर्जन श्रेष्ठले भने, “दोस्रो हाफमा गोल फर्काउने प्रयास गर्दा थप गोल खायौँ । आगामी खेलमा गल्ती सुधार्नेछौँ ।”
