काठमाडौँ ।
एसिया कप २०२२ टिम इन्डियाका बलियो ब्याट्सम्यान विराट कोहलीका लागि निकै सफल रह्यो । यो टूर्नामेन्ट अघि उनी निकै खराब फर्मसँग संघर्ष गरिरहेका थिए तर २०२२ को एसिया कपमा विराट कोहलीको ब्याट निकै राम्रो चल्यो । यी सबैको बीचमा यस्तो बयान आएको छ जसले सबैलाई चकित बनाएको छ ।
यो भनाइ विराट कोहलीको सन्यास बारेमा हो । विराट कोहली भर्खरै आफ्नो फर्ममा फर्किएका छन् । उनले एसिया कप २०२२ को अन्तिम खेलमा आफ्नो पहिलो टी-२० शतक पनि बनाएका थिए। यी सबैको बीचमा पाकिस्तानका पूर्व फास्ट बलर शोएब अख्तर र शाहिद अफ्रिदीको चकित पार्ने बयान बाहिर आएको छ ।
शोएब अख्तरले बिराट कोहलीले टी-२० विश्वकप २०२२ पछि टी-२० ढाँचाबाट सन्यासको घोषणा गर्ने विश्वास गरेका छन्। पाकिस्तानका पूर्व फास्ट बलर शोएब अख्तरले लाइभ सत्रमा विराट कोहलीको सन्यासबारे भने, ‘विराट कोहलीले सम्भवतः टी-२० विश्वकप २०२२ पछि टी-२० ढाँचाबाट सन्यास लिनेछन्।
उनले क्रिकेटका अन्य ढाँचामा आफूलाई लामो समयसम्म टिकाउनका लागि यो गर्न सक्छन्। उहाँको ठाउँमा म भएको भए भविष्यलाई ध्यानमा राखेर त्यही निर्णय लिने थिएँ । शोएब अख्तरले एक ढाँचा छोडेर विराट बाकी लामो समय क्रिकेट खेल्न सक्ने विश्वास गर्छन्।
हालै पाकिस्तानका पूर्व कप्तान शाहिद अफ्रिदीले पनि सन्यास लिन सल्लाह दिएका छन् । एक पाकिस्तानी टिभी च्यानलसँगको कुराकानीमा शाहिद अफ्रिदीले भनेका थिए, ‘विराट कोहलीले आफ्नो करियरको राम्रो सुरुवात गरेका थिए । उनले आफ्नो नाम बनाउन निकै मिहिनेत गरेका छन् ।
उनी च्याम्पियन खेलाडी हुन् । तर एक समय यस्तो आउँछ जब तपाईं सेवानिवृत्ति तर्फ लाग्दै हुनुहुन्छ र यस्तो अवस्थामा तपाईंले आफ्नो करियरको शीर्षमा हुँदा अवकाशको घोषणा गर्नुपर्छ।
विराट कोहलीले हालसम्म १०४ टी–२० अन्तर्राष्ट्रिय खेल खेलेका छन् जसमा उनले ५१.९४ को औसतमा ३५८४ रन बनाएका छन् । कोहलीले टी–२० अन्तर्राष्ट्रियमा ३२ अर्धशतक र एक शतक बनाएका छन् ।
यस क्रममा उनको स्ट्राइक रेट पनि १३८.३७ रहेको छ । योसँगै एसिया कप २०२२ मा विराट कोहलीले ५ खेल खेलेर ९२ को औसतमा २७६ रन बनाएका छन् । जसमा कोहलीले अफगानिस्तानविरुद्ध १२२ रनको इनिङ खेलेका थिए ।
